صدفه لفيتك

صدفه لقيتك وحبيتك
صدفه وانا ماعرفك
لفت نظري سحر حرفك
لفت نظري احاسيسك
اتاري الحب من صدفه
يأجج فالحشا جمره
وربي عرفت انك
ملاك رائع فزي انسان
مدري انا جنيت
من حرفك عجيبه
وصفلي صورتك شكلك
رقة احاسيسك
انا مدري انا غلطان
ضو كشف عمي عيني
قريته مصدره حرفك
مدري حقيقه ولا هوس احلام
يمكن قرينك يراسلني
ارسل معه رسالة حب
ترسمها بريشتك
وانت في صفحتي فنان
تري حرفي سري يمك
تزين لشوفة عيونك
وانا غاير منه تدري
لاني بغيت النظر ليه
تمنيت اني انا صفحه
تقلبها تكتب لها عنوان
انا جنيت من حبك
ودخل في كياني جان
خرج من صفحتك غشاني
فاعماقي حسيته
فجر بداخلي بركان
ابتفاهم معك لحظه
ابسالك وش تبي مني
تعذبني وانا حساس
تري الحب في دمي
زلازل حمم نيران
احب بعنف وما ارحم
افجر ثورتي غضبان
اسخر صدي صوتي اهتف
باحاسيسك باسمك
وارسم في سماك الوان
اخلي الشمس تغار
من ظلك واخلي القمر حيران
تسألني الشمس عن ضوك
شعاعك ابهر الحيران
يانسمه غزت روحي
تداعبني ترويني
لك انتي صنعت الحرف
هجرت الكون من اجلك
ابي اكتب لك لوحدك
بهمسة حب في اذنك
ترى برسل لك اشواقي
وحرف تايه من اوراقي
يخاطب احاسيسك
ابي اسمع وترويني
بحرفك اللي يداويني
وانا كلي لك لوحدك
احبك ياضني عيني
تعالي اطفي اشواقي
تعالي اقطعي صمتي
بوحي لي وناجيني
وارحمي قلبي الهيمان
ارجوك ارجوك ياحبي
لايحترق فداخلك انسان

نايس موضوع ونايس كلمات